“5:0 hesabı ilə qalib gəlib mükəmməl oyun göstərmək istəyirdik”

Portuqaliya millisinin yarımmüdafiəçisi Vitinya Avro-2024-də Çex Respublikasına qarşı qələbə qazanan oyunun (2:1) nəticələrinə yekun vurub.

Allsport.az xəbər verir ki, bu barədə o, “record”a açıqlama verib:

“Əvvəla, bu, komandanın qələbəsidir. Bilirdik ki, asan oyun yoxdur. Ötən günlərin oyunlarına baxmışıq. Hər şey böyük intensivliklə baş verdi. Çexiya mütəşəkkil komandadır. Bəzən onların blokuna girməyə tələsirdik və onlar bizim hücumlarımızı dəf edirdilər. Onlar qol vuranda da biz həmişə qol imkanları yaratdıq.
5:0 hesabı ilə qalib gəlib mükəmməl oyun göstərmək istəyirdik. Emosiyalar yüksək səviyyədədir. Hamımızın böyük arzusu var, bir-birimizə kömək etmək və yaxşılıq üçün çalışmaq istəyirik”.