“Qəbələ” Gürcüstanda oynayan futbolçumuzu heyətinə qatıb

“Qəbələ” klubu növbəti transferini gerçəkləşdirib. Allsport.az saytı xəbər verir ki, “qırmızı-qaralar” Rasim Ramaldanovu heyətinə qatıblar. 31 yaşlı müdafiəçi ilə mövsümün sonunadək müqavilə imzalanıb.

O, Azərbaycanda “Simurq”, “Xəzər-Lənkəran” və “Sumqayıt”da çıxış edib. Gürcüstanda legionçu həyatı yaşayan futbolçunun son klubu ötən il formasını geyindiyi “Kolxeti” olub.

2012-ci ildə Azərbaycan milli komandasında debüt edən futbolçu ölkəmizin əsas yığmasında 17 oyun keçirib.