“60-cı dəqiqədən sonra risk etdik”

“Keşlə” premyer liqanın 15-ci turunda evdə “Zirə”yə 0:1 uduzub. Allsport.az saytı xəbər verir ki, mətbuat konfransında meydan sahiblərinin baş məşqçisi Sənan Qurbanov bunu söyləyib:

“Qələbə qazanmaq istəyirdik. Oyuna yaxşı hazırlaşmışdıq. İlk hissədə istədiyimiz futbolu göstərə bilmədik. Sadə toplar itirdik və bu, daha çox müdafiədən oynamağımıza səbəb oldu. Azlıqda qaldıqdan sonra, müdafiəni fikirləşməyə məcbur idik. 60-cı dəqiqədən sonra risk etdik”.