“60 dəqiqə yox, 90 dəqiqə yüksək səviyyədə oynamalıyıq”

Niderland millisinin baş məşqçisi Ronald Kuman Avro-2024-ün qrup mərhələsinin 2-ci turunda Fransa ilə oyundan gözləntilərini bölüşüb.

Allsport.az xəbər verir ki, bu barədə o, UEFA-nın saytına açıqlama verib:

“Polşa oyunundan öyrəndiyimiz dərs o oldu ki, biz 60 dəqiqə yox, 90 dəqiqə yüksək səviyyədə oynamalıyıq. Həmçinin, səbrli olmaq lazımdır. Həmişə topu itirsəniz nə ola biləcəyini xatırlayın.
Son illər Fransa millisi ilə çox oynamışıq. Nə gözlədiyimizi bilirik. İstənilən nəticəni əldə etmək üçün çox yaxşı hərəkət etməli olacağıq”