“Sumqayıt”la oyun üçün hazırlığa start verdi

“Qəbələ” premyer liqasının 9-cu turunda “Sumqayıt”la oyun üçün hazırlığa start verib. Allsport.az saytı xəbər verir ki, bir günlük istirahətə buraxılan “qırmızı-qaralar” Bakıda bir araya gəlib.

Bu gün paytaxtda toplaşan komanda “Sumqayıt”la oktyabrın 27-də keçiriləcək görüşün hazırlığına başlayıb. “Qəbələ” “Bakı”nın təlim-məşq bazasında məşq edib. Futbolçular öncə fiziki hazırlıq keçib, ardınca meydançada toplu çalışmaları yerinə yetiriblər.

Görüş “Dalğa arena”da saat 18:00-da başlayacaq.