FOTO

“Aberdin”in rəsmisi mərkəzi stadionunun ot örtüyünü tənqid edib

“Aberdin”in idarə heyətinin sədri Deyv Kormak konfrans liqasının pley-ofunda “Qarabağ”la görüşün keçiriləcəyi Tofiq Bəhramov adına respublika stadionunun ot örtüyünü tənqid edib. Allsport.az saytı xəbər verir ki, o, yaşıl zəminin şəkillərini paylaşaraq yazıb:

“UEFA belə bir meydanda necə oyun sala bilər axı? Bakıda gözəl stadion var və bunu hava limanından gələrkən gördük. Bəlkə də biz cavab matçını həvəskar komandaya məxsus “İnverdi”də keçirməliyik!”

Bu gün keçiriləcək matç saat 20:00-da başlayacaq. Komandalar arasında cavab oyunu avqustun 26-sı Şotlandiyada olacaq.