AÇ-2020-nin kuboku İlham Əliyevə təqdim edildi

Bu il iyunun 11-dən iyulun 11-dək keçiriləcək Avropa çempionatının kuboku Bakıya gətirilib. Allsport.az xəbər verir ki, mayın 7-dən 9-dək Bakıda nümayiş olunacaq Avropa çempionatının kuboku prezident İlham Əliyevə təqdim edilib.

UEFA-nın ilk baş katibi olmuş, Avropa çempionatının keçirilməsi təklifini irəli sürmüş şəxsin şərəfinə “Anri Delone kuboku” da adlandırılan bu kubok turnirin final oyununda qalib gələn komandaya təqdim olunacaq. Kubok Bakıdan sonra Danimarkanın paytaxtı Kopenhagenə aparılacaq.

Avropa çempionatının 60 illik yubileyi münasibətilə AVRO-2020-nin oyunları müxtəlif ölkələrdə təşkil olunacaq. “A” qrupunun 3 oyunu və 1/4 final mərhələsinin 1 qarşılaşması Bakı olimpiya stadionunda keçiriləcək (Azərtac).