AFFA 3 qonaq klubu cərimələdi

AFFA intizam komitəsi növbəti iclasını keçirib. Allsport.az saytı xəbər verir ki, Azərbaycan kubokunun 1/4 finalında qayda pozuntuları barədə qərarlar verilib.

“Kəpəz” – “Turan Tovuz” oyununda qonaq komandanın 4 oyunçusu sarı vərəqə ilə cəzalandığı üçün klub 800 manat ziyana düşüb.

“Səbail” – “Sabah” oyununda qonaq komandanın futbolçusu Nicat Mehbalıyev oyunun 12-ci dəqiqəsində rəqibi aşkar qol vurma imkanından məhrum etdiyinə görə birbaşa qırmızı vərəqə alaraq meydançadan kənarlaşdırıldığı üçün 1 oyun cəzalandırılıb və klub 200 manat cərimələnib.

“Səbail” – “Sabah” oyununda qonaq komandanın 4 oyunçusu sarı vərəqə ilə cəzalandığı üçün, klub 800 manat cərimə edilib.