AFFA Beynəlxalq Sülh Gününü dəstəkləyir

Azərbaycan Futbol Federasiyaları Assosiasiyası “Peace One Day” qeyri-hökumət təşkilatının “One Day One Goal” aksiyasına qoşulub. Allsport.az xəbər verir ki, ölkəmizin futbol qurumu aksiya çərçivəsində sentyabrın 21-də qeyd olunan Beynəlxalq Sülh Gününü dəstəkləyib.

Bununla əlaqədar Azərbaycan milli komandasının üzvü Rauf Əliyev və 21 yaşadək qızlardan ibarət Azərbaycan yığmasının futbolçusu Əminə Heydərova sülh rəmzi olan ağ göyərçinləri səmaya buraxıblar.

AFFA-nın facebook və instagram səhifəsinin izləyiciləri cover şəkillərini təklif olunan şəkillə dəyişdirərək sülh gününə dəstəyini nümayiş etdirə və loteryada iştirak edə bilər.