AFFA böhran içində – etiraz dalğası gözlənilir!

Dünya bazarında neftin ucuzlaşması AFFA-da da böhran yaradıb. Allsport.az saytı xəbər verir ki, qurum rəhbərliyi aylardır oyunlara göndərilən hakim inspektorlar, nümayəndələr və hakimlərin zəhmət haqqını vermir.

Supersport.az-a daxil olan məlumata görə, haqsızlıqla üzləşən şəxslər dəfələrlə AFFA-ya müraciət etsə də, onlara məhələ qoyan yoxdur: dörd aydır pul üzünə həsrət qalıblar. Bir oyuna görə baş hakimlərə 700, hakim inspektorlar və AFFA nümayəndələrinin hər birinə 250 manat ödənilməlidir.

Qurumun ayrı-seçkilik etdiyi də bildirilir. AFFA bəzi şəxslərin əmək haqqını ödəyir, əksəriyyətinə isə “pul yoxdur” deyir. Narazı təbəqə belə davam edərsə, qanun çərçivəsində addımlar atılacağını bəyan edib.