AFFA bu dəfə hakim səhvini təsdiqlədi: Orxan Məmmədov və AzAL klubu haqda ölçü götürüldü

AFFA intizam komitəsinin iclası keçirilib. Allsport.az saytı xəbər verir, toplantıda premyer liqasının 21-ci turunun oyunlarında baş verən yeganə xoşagəlməz hadisə müzakirə olunub.

“Kəpəz” – AzAL matçının videoyazısını izlədikdən sonra, komitə qonaqların futbolçusu Alamadine Omeqa Robertsin aqressiv hərəkətini aşkarlayıb. Oyunun 64-cü dəqiqəsində rəqib futbolçuya qarşı  edilən bu hərəkət legionçunun 3 matçlıq cəzalanmasına səbəb olub. “Təyyarəçilər” 2400 manat cərimələnib.

Hakimlər komitəsinə həvalə edilib ki, qarşılaşmanın referisi Orxan Məmmədov haqqında lazımi ölçü götürüb intizam komitəsini məlumatlandır versin.