AFFA-dan müəllimlər üçün kurs

AFFA tərəfindən qurumun inzibati binasında bu gündən etibarən orta məktəblərdə çalışan bədən tərbiyəsi müəllimlərinin (hər məktəbdən bir müəllim) futbol biliyinin artırılması məqsədi ilə “D” dərəcəli məşqçi kursu keçirilir.

Allsport.az saytı xəbər verir ki, noyabrın 8-dək davam edəcək məşğələdə paytaxtda fəaliyyət göstərən məktəb müəllimləri ilə yanaşı, Gəncə, Zaqatala, Şəki, Cocuq Mərcanlı, Xaçmaz, Samux bölgələrini təmsil edən, ümumilikdə 4-ü qadın olmaqla 29 müəllim iştirak edir.