AFFA-nın yeni baş katibi

AFFA-nın baş katibi dəyişib. Allsport.az saytı xəbər verir ki, bu barədə qərar icraiyyə komitəsinin iclasında verilib.

AFFA-nın 2020-ci il yanvarın 28-də təşkil olunan konfransında nizamnaməyə uyğun olaraq həyata keçirilmiş struktur dəyişikliyi, Avro-2020-nin və bununla bağlı hesabat işlərinin başa çatması, həmçinin müvafiq hüquqi prosedurlar nəzərə alınaraq, AFFA-nın baş katibi vəzifəsi bu günə qədər baş katibin müavini vəzifəsində çalışan Sərxan Hacıyevə həvalə olunub.

Bundan əvvəl baş katib vəzifəsini AFFA-nın icraçı-vitse-prezidenti Elxan Məmmədov icra edirdi.