AFFA paytaxt klublarına cərimə kəsdi

Bu gün AFFA İntizam Komitəsinin növbəti iclası keçirilib. Allsport.az saytı xəbər verir ki, aparılan müzakirələrdən sonra Premyer Liqanın və əvəzedicilərin çempionatının 31-ci turunun oyunları ilə bağlı aşağıdakı qərarlar qəbul olunub.

31-ci turda “Qarabağ” – “İnter” matçının 75-ci dəqiqəsində “beynəlmiləlçilər”in futbolçusu Fuad Bayramov ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 200 manat cərimə olunub.

Əvəzedici heyətlərin “Rəvan” – AzAL matçında qonaqların 4 futbolçusu sarı vərəqə ilə cəzalandığı üçün klub 500 manat cərimə olunub.