AFFA “Qəbələ”ni və 1-ci divizion klublarını cərimələyib

Bu gün AFFA intizam komitəsinin növbəti iclası keçirilib. Allsport.az saytı xəbər verir ki, aparılan müzakirələrdən sonra aşağıdakı qərarlar qəbul olunub:

Premyer liqanın 7-ci turunun “Qəbələ” – “Kəpəz” matçında ev sahibinin 4 futbolçusu sarı vərəqə ilə cəzalandığı üçün klub 800 manat cərimə olunub.

Birinci divizionun ilk turunun “Xəzər” – “Mil-Muğan” matçının 60-cı dəqiqəsində qonaqların futbolçusu Viqar Əlibabayev 2-ci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub. Oyunun 76-cı dəqiqəsində “Xəzər”in futbolçusu Anar Babayev ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 20 manat cərimə olunub.

Birinci Divizionun 1-ci turunun “Turan Tovuz” – “Şüvəlan” matçında meydan sahibinin 4 futbolçusu sarı vərəqə ilə cəzalandığı üçün klub 80 manat cərimə olunub.