“Ağ-qaralar” qardaş ölkə təmsilçisi ilə qarşılaşacaq

“Neftçi”nin qış təlim-məşq toplanışındakı ilk rəqibi müəyyənləşib.

Allsport.az xəbər verir ki, Türkiyənin Antalya şəhərindəki Belek bölgəsində hazırlaşacaq komanda yanvarın 4-dən 14-dək “Gloria Sport Arena”da məskunlaşacaq.

Paytaxt təmsilçisi ilk yoxlama görüşünü yanvarın 6-da Türkiyə 1-ci liqa təmsilçisi “Ərzurumspor” komandasına qarşı keçirəcək. Yanvarın 13-nə nəzərdə tutulan digər yoldaşlıq görüşündə isə rəqibin adı dəqiqləşməyib.