“Almaniyanı əsas favoritlərdən biri hesab edirəm”

UEFA prezidenti Aleksander Çeferin Avro-2024-ün əsas favoritlərini açıqlayıb.

Allsport.az xəbər verir ki, bu barədə o, DPA-ya açıqlama verib:

“Mən artıq dostlarıma dedim: niyə bilmirəm, amma Almaniyanı əsas favoritlərdən biri hesab edirəm. Onlar son illərdə olduqca pis idilər, lakin yaxşı komandaları var. Fransa yığması ilə yoldaşlıq görüşündən (2:0) sonra isə tamam başqa səviyyəli münasibət gördüm.

Mən həmişə deyirəm: İspaniyanı heç vaxt aşağı salmayın. Xorvatiya, Belçika, Niderland, ola bilsin Danimarka da var. Amma Almaniya, Fransa, İngiltərə və Portuqaliya, fikrimcə, bu Avropa çempionatının favoritləridir”.