Ançelotti ayrılmayacaq

“Real” növbəti mövsüm heyətini ciddi şəkildə gücləndirmək fikrində deyil.

Allsport.az xəbər verir ki, bu baxımdan Madrid təmsilçisinin rəhbərləri Karlo Ançelottinin 2023/24 mövsümündə də məşqçi kimi qalmasını ideal hesab edir. Çünki italiyalı mütəxəssis futbolçularla yaxşı münasibət qura bilir.

Eyni zamanda, 63 yaşlı çalışdırıcı “kral klubu”na transferlər üçün təzyiq göstərmir və onlardan qətiyyətli addımlar tələb etmir.

Ançelottinin “Real”la müqaviləsi 2024-cü ilin yayına qədərdir.