“Anderlext”in əfsanəsi: “Qarabağ”a qalib gəlməkdə problem olmamalıdır

“Anderlext”in əfsanəvi hücumçusu Pol van Himst Avroliqanın qrup mərhələsinin son turunda keçiriləcək “Anderlext” – “Qarabağ” matçı barədə danışıb. Allsport.az saytı xəbər verir ki, o, Belçika komandasının qalib gələcəyinə inanır:

“Anderlext” “Qarabağ”ı məğlub etməyə borcludur. Başqa nəticə azarkeşləri qane etməz. Komandamız əgər “Tottenhem” və Monako” kimi güclü klubları məğlub edibsə, o zaman “Qarabağ”a qalib gəlmək də problem olmamalıdır.

Hətta Stiven Defurun yoxluğu da qələbəyə maneçilik törətməməlidir. Fikrimcə, “Anderlext” sabah Azərbaycan komandasını məğlub edəcək”.