“Anderlext”in hansı yarımmüdafiəçisi “Qarabağ”a qarşı oynamayacaq?

“Anderlext”in futbolçusu Stiven Defur Avropa Liqasının qrup mərhələsinin 6-cı turunda “Qarabağ”a qarşı matçda oynamayacaq. Allsport.az saytı xəbər verir ki, buna səbəb 27 yaşlı yarımmüdafiəçinin cəzalı duruma düşməsidir.

O, “Monako” ilə görüşdə bu mövsüm 3-cü sarı vərəqəni aldığı üçün son turda iştirak edə bilməyəcək. Defur “Qarabağ”la Bakıda keçirilən oyunda və “Monako” ilə hər iki qarşılaşmada sarı vərəqə alıb.