“Araz-Naxçıvan”dan daha bir transfer

Transfer çalışmalarını davam etdirən “Araz-Naxçıvan” daha bir futbolçu ilə müqavilə imzalayıb.

Allsport.az xəbər verir ki, bunu klubun mətbuat xidməti açıqlayıb.

Ülvü İsgəndərov qarşıdakı 1 il ərzində Naxçıvan təmsilçisinin formasını geyinəcək. Karyerası ərzində “Qəbələ” və “Sumqayıt” klublarında çıxış edən 26 yaşlı vinger 21 yaşadək futbolçulardan ibarət Azərbaycan millisinin də formasını geyinib.