Ardıcıl 2-ci səfər ayın ən zəifi seçildi

Azərbaycan millisinin futbolçusu Mahir Əmrəli Polşanın “Legiya” klubunda noyabrın ən zəif oyunçusu seçilib.

Allsport.az xəbər verir ki, 24 yaşlı hücumçu “Legionisci” nəşrinin versiyasına əsasən, komanda yoldaşı Mattias Yohanssonla ilə birlikdə -4 xala layiq görülüb. O, oktyabrda da ən zəif 2 futbolçudan biri olub.

Varşava təmsilçisinin argentinalı yarımmüdafiəçisi Jozue isə 3 xalla ayın oyunçusu adına layiq görülüb.

“Legiya” noyabrda keçirdiyi 5 oyunun 4-də uduzub. Son ölkə çempionu yalnız ekstraklasanın XVI turunda “Yagelloniya”ya minimal hesabla qalib gəlib – 1:0.