Arşavin müqaviləsini yenilədi

“Zenit”in idarə heyətinin sədrinin idman inkişafı üzrə müavini vəzifəsini tutan Andrey Arşavin Sankt-Peterburq klubu ilə müqaviləsinin uzadılmasından danışıb.

Allsport.az xəbər verir ki, əfsanəvi futbolçu 2 illik sözləşmə imzaladığını açıqlayıb.
Arşavin futbolçu kimi 1999-2008, daha sonra 2013-2015-ci illərdə “Zenit”in rənglərini qoruyub. Komandanın tərkibində 3 dəfə Rusiya çempionu olub, UEFA kubokunu və Avropa superkubokunu qazanıb.
Arşavin karyerasını 2019-cu ildə başa vurub. 2022-ci ilin əvvəlindən o, klubun strukturunda idman departamentinə nəzarət etməklə rəhbər vəzifəsini tutub.