Atletikaya maraq yüksək qiymətləndirib

İstedadlı atletlərin təyin olunması layihəsi Şamaxıda 2 saylı orta məktəbdə baş tutub. Allsport.az saytı xəbər verir ki, 3 müxtəlif növdə (30 metrəyə qaçış, top atma və uzunluğa tullanma) uşaqların bacarıqları sınaqdan keçiriliblər.

50 uşaq (25 qız, 25 oğlan) arasında keçirilən yarışda ümumi nəticələr üzrə 3 növün cəminə görə 10 qız və 10 oğlan həmçinin, hər növ üzrə ayrı-ayrılıqda qalib və mükafatçılar müəyyən olunub. İştirakçılar sertifikatlarla təltif olunub və qaliblər mükafatlandırılıb.

Yarışlardan əldə olunan nəticələrə əsaslanan ekspert qrupunun üzvləri uşaqların atletikaya olan marağını yüksək qiymətləndiriblər.