Avro-2020-də irqçi ifadələrə yol verən 11 ingilis azarkeş həbs edilib

İngiltərə polisi Avro-2020-nin finalında “Uembli” stadionunda İtaliya ilə oyundan sonra baş verən hadisələri araşdırmaqda davam edir. Allsport.az saytı xəbər verir ki, sosial şəbəkələrdə irqçi ifadələrə yol verən şəxslər bir-bir müəyyənləşdirilir.

Yerli orqanlar yarımmüdafiəçilər Bukayo Sako, Ceydon Sanço və hücumçu Markus Reşfordun ünvanına irqçi təhqirlər yazanlardan 11-ni artıq aşkara çıxararaq, həbs edib. Gənc futbolçular penaltilər seriyasında zərbəni qola çevirə bilmədikləri üçün təzyiqlə üzləşiblər.

Qeyd edək ki, 1:1 hesabı ilə başa çatan final matçında ingilislər penaltilər seriyası ilə (2:3) məğlub olaraq, Avropa çempionluğunu əldən verib.