Avroliqada çıxış edən komandalarımız mövqelərində geriləyib

Avropa klublarının yeni reytinq siyahısını açıqlayıb. Allsport.az saytı xəbər verir ki, “Qarabağ” avroliqanın qrup mərhələsinin son turunda İtaliya “Fiorentina”sına, “Qəbələ” Almaniya “Maynts”ına uduzmaqla mövqeyini itirib.

Ölkə çempionu 105-ci pilləyə enib. “Qarabağ”ın hesabında hazırda 18,050 xal var. Onun qrupunda yer alan “Fiorentina” 24-cü (65,999), PAOK 58-ci (33,880), “Slovan” isə 84-cüdür (25,095).

“Qəbələ” 3 pillə geriləyərək 185-ci sıraya düşüb. Komandamızın hesabında 7,800 reytinq xalı var. Bölgə təmsilçisinin qrupunda yer alan Belçika “Anderlext”i 37-ci (49,600), Fransa “Sent-Etyen”i 56-cı (35,099), Almaniya “Maynts”ı 87-cidir (23,299).