“Ayntraxt”da baş məşqçi dəyişikliyi

Frankfurt “Ayntraxt”ı 2022/23 mövsümünün sonunda baş məşqçi Oliver Qlasnerlə yollarını ayıracaq.

Allsport.az xəbər verir ki, Almaniya təmsilçisinin 48 yaşlı mütəxəssislə müqaviləsi ilkin olaraq 2024-cü ilin iyununa qədər hesablanıb.

Qlasner 2021-ci ildən “Ayntraxt”la birgə çıxış edir və 2021/22 mövsümündə komanda ilə Avropa liqasının qalibi olub.

Kluba qatılmadan əvvəl Qlasner bir neçə Avstriya komandalarında çalışıb. O, oyunçu kimi Avstriya “Ried”inin heyətində 500-dən çox matç keçirib.