Azər Əliyevli “Ufa” yoxlama oyununda “Yanq Boyz”a qalib gəlib

“Ufa” klubu Kiprin Larnaka şəhərində təlim-məşqi başa vurub. Allsport.az saytı xəbər verir ki, azərbaycanlı futbolçu Azər Əliyevin çıxış etdiyi komanda toplanışın son günündə 2 yoxlama oyununu keçirib. 

“Şəhərlilər” öncə İsveçrənin “Yanq Boyz” gənclərdən ibarət kollektivi ilə üz-üzə gəlib və 2:1 qalib gəlib. Həmvətənimiz sonadək oynayıb. Bolqarıstanın “Levski” klubu ilə matç isə qolsuz bitib. Bu görüşü Azər kənardan izləyib.

Bir neçə günlük istirahətdən sonra, “Ufa” premyer liqanın 2-ci dövrəsinə növbəti hazırlıq üçün İspaniyayaya yollanacaq.