Azərbaycan çempionu “Mənəmənspor”un alban qapıçısını istəyir

“Qarabağ” Türkiyə 1-ci liqa təmsilçisi “Mənəmənspor”un qapıçısı Qentian Səlmanini transfer etmək istəyir. Allsport.az xəbər verir ki, bu barədə komandanın baş məşqçisi Cenk Laleci “Radyospor”a açıqlamasında bildirib:

“Selmani ilə təkcə ölkəmizdən deyil, xaricdən də maraq var. Onun üçün “Qarabağ”dan təklif gəlib. Klubumuz “Qarabağ”la danışıq aparır”.

Albaniyanın U-21 millisində oynamış 22 yaşlı qapıçının Türkiyə klubu ilə müqaviləsi 2021-ci ilin yayında tamamlanacaq.