Azərbaycan – Macarıstan matçı bir dəqiqəlik sükutla

Bu həftə UEFA-nın bütün oyunları bir dəqiqəlik sükutla başlayacaq. Allsport.az saytı xəbər verir ki, buna səbəb qurumun keçmiş prezidenti Lennart Yohanssonun vəfat etməsidir.

1990-2007-ci illər aralığında UEFA-ya rəhbərlik edən isveçli futbol adamı 89 yaşında dünyasını dəyişib. Azərbaycan millisi iyunun 8-də “8-ci km” stadionunda Macarıstanı qəbul edəcək. Görüş saat 20:00-da start götürəcək.