Azərbaycan – Malta matçı İvan Bebekə tapşırılıb

Millətlər liqasında “D” dəstəsinin 3-cü qrupunu 4-cü turunda Azərbaycan və Malta arasında oyunun hakim təyinatları açıqlanıb. Allsport.az saytı xəbər verir ki, görüşü İvan Bebekin başçılıq etdiyi xorvatiyalı hakimlər briqadası idarə edəcək.

Ona yan xətlərdə Tomislav Petroviç və Miro Qrqiç kömək edəcəklər. 6-cı referi funksiyasını Qoran Pataki yerinə yetirəcək. Mario Zebek və Qoran Qabrillo qapılar yanında olacaqlar.

Bu mübarizə oktyabrın 14-də Bakı olimpiya stadionunda saat 20:00-da start götürəcək.