Azərbaycan qran-prisinin biletləri satışda

Bakıda keçiriləcək Formula-1 Azərbaycan qran-prisi üçün bilet satışına start verilib. Allsport.az xəbər verir ki, azarkeşlər mövsümün ən həyəcanlı şəhər yarışına biletləri www.azerbaijangp.com rəsmi veb-səhifəsindən əldə edə bilərlər.

Həmçinin “Baku City Circuit” mobil tətbiqi üzərindən 20 faiz güzəştlə bilet almaq mümkündür. Bu fürsət yalnız fevralın 5-dək davam edəcək.

Bakı şəhər halqası əməliyyat şirkəti azarkeşlərə 4 günlük biletlər təqdim edir. Hər il olduğu kimi, 3 günlük tribuna biletləri ilə yanaşı, bilet sahibləri pit zolağı gəzintisi imkanı əldə edərək, sevimli F-1 komandalarını, pilotları və onların qarajlarını yaxından izləmək təcrübəsi qazanırlar.