Azərbaycan – Ukrayna oyununun ədalət təmsilçiləri

21 yaşadək futbolçular arasında Avro-2025-in seçmə mərhələsində keçiriləcək Azərbaycan – Ukrayna matçının hakimləri bəlli olub.

Allsport.az xəbər verir ki, ədalət təmsilçilərini UEFA-nın mətbuat xidməti açıqlayıb.

Martın 26-da keçiriləcək qarşılaşmanı Xorvatiyadan olan hakimlər idarə edəcəklər. Dario Bel matçın baş hakimi olacaq.

Ona Qoran Pataki və İvan Yaniç kömək edəcəklər. Dördüncü hakim funksiyasını Zdenko Lovriç yerinə yetirəcək.