“Azərbaycanda həkimlər məni əməliyyata qəbul etmədi”

Türkiyənin Kayseri şəhərində əməliyyat olunan “Neftçi”nin qapıçısı Aqil Məmmədov yerli mətbuata açıqlama verib. Allsport.az saytı xəbər verir ki, 33 yaşlı qolkiper cərrahi müdaxiləyədək, dizinin çox pis durumda olduğunu deyib:

“Azərbaycanda həkimlərə MRT nəticələrini göndərdik, amma heç biri əməliyyatı qəbul etmədi. Burada Sinan Karaoğlu bütün məsuliyyəti öz üzərinə götürdü və mənə kömək etdilər.

Artıq 3 gün keçib və ayağa qalxa bilirəm. Ümid edirəm ki, həkimin və onun komandasının sayəsində yaşıl meydanlara daha tez qayıdacağam”.