“Azarkeşlərdən üzr istəyirəm”

“Barselona” İspaniya super kubokunun finalında “Real”a 1:4 hesabı ilə məğlub olub. Allsport.az xəbər verir ki, Kataloniya klubunun baş məşqçisi Xavi Hernandez oyunu şərh edib:

“Məyusuq. Azarkeşlərdən üzr istəyirəm, çünki zəif oyun nümayiş etdirdik. Hər mövqedə zəif idik. “Barça” qayıdacaq.

Mən Karlo Ançelottini hörmətlə təbrik etdim. Madrid ədalətli çempion oldu. Əlavə sözə ehtiyac yoxdur.

Mövsümün ən pis oyununu keçirdik. Qarşıdakı günlər çoxlu tənqidlərlə çətin olacaq, amma bunu qəbul etməliyik”.