Niko Hülkenberq: Bakı yolu yetərincə mürəkkəbdir

Bakıdakı ilk məşqdə vaxta görə onuncu yeri tutan alman pilot, “Le Man 24 saat” yarışının qalibi (2015), Almaniya yığmasının tərkibində “A1 Grand Prix” üzrə Dünya Kubokunun sahibi (2006-2007), “GP2” seriyası (2009), Formula-3 Avropa seriyası (2008) və F3 Masters-in çempionu Niko Hülkenberq yeni tras haqqında təəssüratlarını bölüşərək deyib:

“Bu, yetərincə mürəkkəb trasdır, bir çox döngələrdə pilotdan cəsarət tələb olunur. Formula-1 maşınlarının sürəti nə qədər artıra biləcəyini nəzərə alsaq, tras həm də çox dardır. Həqiqətən heç də asan tras deyil. Enişdə 13, 14, 15-ci döngələr və hətta yoxuşda sürətli sol dönmə pilotdan cəsarət tələb edir. Çox qeyri-adi trasdır”.