“Barselona” İlkay Gündoğanın transferini elan edib

Allsport.az xəbər verir ki, Kataloniya klubu bu gün “Mançester Siti”nin kapitanı İlkay Gündoğanın transferini tamamlayıb. “Barselona” bu haqda rəsmi açıqlama yayıb.

32 yaşlı yarımmüdafiəçi ilə 2+1 illik müqavilə imzalanıb. Onun “şəhərlilər” ilə sözləşməsi bu ay başa çatdığına görə “Barselona”ya azad agent kimi keçib.

İlkay ötən mövsüm “Siti”nin heyətində 51 oyunda 11 qol vurub və 6 məhsuldar ötürmə verib.