“Barselona” Kanselonu icarəyə verə bilər

Müqavilə ilə “Mançester Siti”nin futbolçusu olan Joao Kanselo bu yay “Barselona”ya keçə bilər.

Allsport.az xəbər verir ki, “Bavariya” “Mançester Siti”dən icarəyə götürdüyü Kanselo ilə müqaviləni uzatmayacaq. Ona görə də futbolçu İngiltərəyə qayıdacaq.

Portuqaliyalının transferə çıxarılacağı ehtimal edilir və “Mançester Siti”nin prioriteti onu satmaqdır. Lakin klub başqa bir icarə variantının da nəzərdən keçirilməli olduğunu başa düşür.

Belə bir razılaşma “Barselona” üçün maraqlıdır.

Bu mövsüm Kanselo Bundesliqada 4, Premyer Liqada 17 oyun keçirib.