“Barselona” Messi ilə əlaqə saxlayıb

“Barselona”nın vitse-prezidenti Rafa Yuste PSJ-nin hücumçusu Lionel Messi ilə danışıqlar apardıqları ilə bağlı yayılan məlumatları təsdiqləyib.

Allsport.az xəbər verir ki, o, bu barədə açıqlamasında deyib:

“Messidən geri qayıtmasını xahiş edəcəyəmmi? Mən onun gəlməsini istəyirəm? Aramızda əlaqələr varmı? Bütün bunlara bəli cavab verərdim”.

35 yaşlı argentinalı futbolçu karyerasının böyük hissəsini (2004-2021) “Barselona”da keçirib. Messi 2021-ci ildə azad agent kimi PSJ-yə keçib. Onun parislilərlə müqaviləsi cari mövsümün sonunda qədərdir.