“Barselona”ya “yox” deyiblər

Allsport.az xəbər verir ki, “Barselona”nın müdafiəçisi Andreas Kristensen və yarımmüdafiəçi Frank Kessye klubun maaşlarını azaltmaq təklifindən imtina ediblər.

Futbolçular komandanın maddi çətinliklərini başa düşürlər. Lakin onlar belə bir addım atmaq istəmirlər. Çünki Andreas və Frank 2022-ci ilin yayında azad agent kimi “Barselona”ya keçiblər. Onlar İspaniya klubunda olmaq üçün daha sərfəli təkliflərdən imtina ediblər.