“Napoli”nin futbolçusunu alıb

Allsport.az xəbər verir ki, “Bavariya”, İtaliya klubundan Kim Min Jaeni heyətinə cəlb edib.

Münhen təmsilçisi koreyalı müdafiəçinin transferini rəsmi şəkildə açıqlayıb. Onun müqaviləsi 2028-ci ilə qədərdir. Yeni klubunda Kim 3 nömrəli geyimdə çıxış edəcək. 

Əvvəl “Napoli”nin 26 yaşlı oyunçunun satışına görə 50 milyon avro alacağı bildirilirdi. Kim “A” seriyasının 2022/23 mövsümündə 35 oyuna çıxıb və 2 qol vurub.