“Bayer” Xabi Alonso ilə müqaviləni uzatdı

Allsport.az saytı xəbər verir ki, ispaniyalı mütəxəssislə klub arasındakı yeni sözləşmə 2026-cı il iyunun 30-na kimi nəzərdə tutulub. Alonsonun “Bayer”lə əvvəlki müqaviləsi 2024-cü ilin iyun ayına qədər qüvvədə idi.

41 yaşlı məşqçi 2022-ci ilin oktyabrında “Leverkuzeni”i çalışdırır. Komanda onun rəhbərliyi altında ötən mövsüm Avropa Liqasının yarımfinalına yüksəlməyi bacarıb və Almaniya çempionatında 6-cı yeri tutub.

“qırımızı-qaralar” Alonsonun məşqçilik karyerasında ilk yüksək səviyyəli klubdur. Buna qədər mütəxəssis “Real” və “Real Sosyedad”da məşqçi işləyib.

Alonso futbolçu karyerası ərzində “Real Sosyedad”, “Liverpul”, “Real” və “Bavariya”da çıxış edib.