“Bayquşlar” üçün üçqat yubiley

“Sabah” Azərbaycan premyer liqasının XIII turunda “Turan Tovuz”a qalib gəlib.

Allsport.az xəbər verir ki, 3:2 hesablı səfər qələbəsi Bakı klubu üçün üçqat yubileylə əlamətdar olub.

Paytaxt təmsilçisi 2018/19 mövsümündən çıxış etdiyi premyer liqada 60-cı dəfə üç xal qazanıb. Bu, həm də “Sabah”ın səfərdəki 30-cu qələbəsi ilə yadda qalıb.

Bakılılar “60”a 153-cü, “30”a 77-ci oyununda çatıb. Bu qarşılaşmada vurulan ilk top da klub tarixinə düşüb. Davit Volkovun hesabı açması ilə “bayquşlar” premyer liqada 200-cü qolu vurub.