Belarusda aksiyaya qoşulan idmançılar saxlanıldı

Belarusda Aleksandr Lukaşenkonun prezident seçilməsinə görə etiraz dalğası davam edir. Allsport.az xəbər verir ki, xalqın etirazına idmançılardan da qoşulanlar var.

BATE-nin hücumçusu Anton Saroka saxlanılanlar arasındadır. Məlumata görə, 28 yaşlı futbolçu avqustun 11-i polislərlə qarşıdurma zamanı tutulub.

Onunla yanaşı, xokkeyçi İlya Litvinov və MMA döyüşçüsü Aleksey Kudin saxlanılıblar. Litvinov sərəbəst buraxılsa da, digər idmançılardan məlumat yoxdur.

Aleksandr Lukaşenko 6-cı dəfə ölkə prezidenti seçilib. Xalq Minsk və digər şəhərlərdə etirazlar edir.