Bellingem niyə əvəz olundu?

“Real”ın baş məşqçisi Karlo Ançelotti çempionlar liqasının yarımfinalında “Bavariya” ilə ilk oyunun (2:2) 75-ci dəqiqəsində Bellingemi niyə Luka Modriçlə əvəzləmək qərarına gəldiyi barədə jurnalistlərin sualını cavablandırıb.

Allsport.az xəbər verir ki, o, futbolçusunun ağrılarının olduğunu bildirib:

“Bellingemin spazmı var idi, ona görə də mən əvəzetmə edəndə bunu nəzərə aldım. Hər şey dəyişməli idi və ehtiyat oyunçular skamyasında istifadə etmək istədiyim resurslarımız var idi.

İndi biz İspaniya çempionatında və bu yarımfinalda da əla vəziyyətdəyik – indi Uembliyə çıxmaq üçün cavab oyununda hər şeyimizi verməliyik”.