“Bellingemlə işləmək xoşdur”

İngiltərə millisinin baş məşqçisi Qaret Sautqeyt Danimarka ilə oyundan gözləntilərini bölüşüb və cinah yarımmüdafiəçisi Cude Bellingemin əhəmiyyətindən danışıb.

Allsport.az xəbər verir ki, bu barədə o, UEFA-ya açıqlama verib:

“Bellingemlə işləmək xoşdur. Amma hər kəs öz töhfəsini verməlidir. Komandanın uğuru bir oyunçudan asılı ola bilməz. Üç il əvvəlkindən güclü olduğumuzu sübut etməliyik. Bilirik ki, yaxşı oyunçularımız var və ilk matçdan daha yaxşı oynaya bilərik”.