Benzema qərar vermək üçün Ronalduya üz tutub

Kərim Benzema keçmiş komanda yoldaşı Kriştianu Ronaldu ilə Səudiyyə Ərəbistanı liqası barədə danışıb.

Allsport.az xəbər verir ki, “Real”ın hücumçusu “Əl-İttihad”a keçməyə yaxındır. O, “Əl-İttihad”dan 2 illik müqavilə təklifi alıb. Fransalı futbolçu bu klubla razılaşarsa, ildə 100 milyon avrodan çox qazanacaq.

Benzema artıq Madrid klubunun keçmiş oyunçusu, indi “Əl-Nəsr”ə məxsus olan Ronaldu ilə danışıb. O, həm Səudiyyə Ərəbistanı çempionatı ilə, həm də ölkədəki həyat şəraiti ilə maraqlanıb.

Transferlə bağlı yekun qərar hələ verilməyib.