Bernardo və “şəhərlilər” anlaşdı

“Mançester Siti”nin dayaq yarımmüdafiəçisi Bernardo Silva klubla müqaviləni uzatmağa razılaşıb. Allsport.az saytı xəbər verir ki, bu yay PSJ, “Barselona”, ​​Səudiyyə Ərəbistanı və Qətər klubları portuqaliyalı ilə anlaşmağa cəhd ediblər.

Lakin “şəhərlilər” təklifləri qəti şəkildə geri çevirib. Bundan sonra mankunianlılar 28 yaşlı futbolçuya təkmilləşdirilmiş şərtlərlə yeni sözləşmə təklif ediblər.

Bernardonun hazırkı müqaviləsi 2025-ci ilin yayına qədərdir. Ötən mövsüm o, klubun heyətində 55 oyuna çıxıb, 7 qol vurub və 8 məhsuldar ötürmə verib.