“Bilirdik ki, qol buraxa bilərik”

Belçika millisinin yarımmüdafiəçisi və əsas ulduzu Kevin de Bruyne Avro-2024-ün qrup mərhələsinin 3-cü turunda Ukrayna ilə heç-heçəni (0:0) şərh edib.

Allsport.az xəbər verir ki, bu barədə o, UEFA-ya açıqlama verib:

“Matçın qalibi olmağa çalışırdıq və 90-cı dəqiqəyə qədər qol imkanlarımız oldu. Amma künc zərbəsində heç bir imkana əl atmaq istəmədik, çünki bilirdik ki, qol buraxa bilərik və sonra Avrodan kənarda qalacağıq.
Bəzən bəzi risklərə getməlisən, bəzən də ağıllı oynamaq lazımdır. Bu gün mən ağıllı olmaq istədim”.