“Bir-birimizə yaxın, çox sıx oynamalıyıq”

Sabah millimiz Tofiq Bəhramov adına respublika stadionunda Avro-2024-ün seçməsində Avstriya futbolçularını qarşılayacaq. Allsport.az saytı xəbər verir ki, mətbuat konfransında kapitan Emin Mahmudov açıqlama verib:

“Bizi yaxşı komandaya qarşı oyun gözləyir. Avstriya yığması fəal futbol oynayır. İstəyirik ki, yaxşı nəticələri davam etdirək. Sabah meydana qələbə üçün çıxacağıq.

Bir-birimizə yaxın, çox sıx oynamalıyıq. Çünki rəqib yaxşı top saxlayır. Yaxşı ara ötürmələri verirlər. Arxada top itirməməliyik. Çalışacağıq ki, rəqibə çox şans verməyək. Avstriya çox yaxşı komandadır”.